ඉස්පිලි පාපිලි කොම්බුව හා යාලූ - සැඟවුණු කවිහිත හොයන්න ආවාලූ

 හෝඩියෙ තැන තැන තනියම උන් අකුරූ

එක එක අහුලා කවිපදවල ඇමිනූ

රැයේ දවාලේ දොඩමළු වී උන්නූ

කවිහිත හෙව්වා දවසක් දා අකුරූ

ඉස්පිලි පාපිලි කොම්බුව හා යාළු

කවිහිත හොයන්න එක් වී ආවාලූ

හැන්දෑ යාමෙක සැඟවෙද්දී අරුණූ

නැතිවුණු කවිහිත කොම්බුව දු‍ටුවාලූ

ඇහුවා හේතුව කවිහිත ගොළු ගැහුණූ

ත යන්න නි යන්න දැන් තනියක් නෑලූ

ඉස්පිලි පාපිලි අඳුනන්නත් බෑ ලූ

නිදිමත කවිහිත ඈනුම් ඇරියාලූ

කම්මැලි පිළිතුර ඇහුවම දුක හිතුණූ

කගචජ ටඩනණ මැලවෙනු ඇහැ ගැහුණූ

ක යන්න ව යන්නෙ ඉස්පිල්ලක් ඇමිනූ

ඉස්සර කවිහිත හිනැහී අලුතින් කවියක් කිව්වාලූ