Monday, May 21, 2012

සිමියොන් දවීදොව් හා ලෝරා ඉන්ගල්ස් සමගින් ගතවුණ නිවාඩු කාලය

හිම මිදිච්ච සීත කාලෙ මැද හරියෙ දවසක දවීදොව් හිම යානෙක නැගිල ගම්මානයට එමින් හිටියෙ...දවීදොව් හිටියෙ සන්තෝසෙන්... සමූහ ගොවිපොලක් හදන හීනෙ දවීදොව්ගෙ හිත පුරාම තිබුනෙ... තමන්ගෙ අරමුණ වෙනුවෙන් දවීදොව් කැපවුණා... මකාර්, අන්ද්‍රෙයි, යාකව්, ශිචුකාර් සීයා ඇතුළුව ගම්මානෙ නොයෙක් තරාතිරමෙ නොයෙක් අදහස් දරපු මුරණ්ඩු මිනිස්සු, යටහත් පහත් මිනිස්සු, දුප්පත් මිනිස්සු මේ ඔක්කොම එකතු කරගෙන මේ ගමන යන්න දවීදොව් හැබෑවටම මහන්සි වුණා... දවීදොව් අස්සය පිටේ යද්දි වගෙම දවීදොව් කුඹුරු හාද්දිත් මම සතුටින් දවීදොව් දිහා බලාන උන්නා... දවීදොව් වාර්යට ආදරේ කරද්දි මගේ ඇස් සතුටින් දිලිසුනා... වාර්යා කෘශිකර්ම නිලධාරිනියක් වෙලා ඇවිත් දවීදොව් එක්ක විවාහ වෙනව දකින්න, සමූහ ගොවිපොළ දියුණු වෙලා දවීදොව්ට අකමැති වෙලා හිටපු මිනිස්සුත් දවීදොව්ට කැමති වෙනව දකින්න මට ඕනෙ වුණා...
ඒත් හීනෙ හැබෑ කර නොගෙනම දවීදොව් යන්න ගියා... වාර්යව තනිකරල... යන්නම යන්න ගියා... සීය දවීදොව් මිහිදන් කළ තැන තනියෙන් බලාගෙන උන්නා...

---------------

ඊට පස්සෙ ආවෙ ලෝරා... ලෝරා අම්මයි අප්පච්චියි මේරියි විතරක් නෙවෙයි, ඒ ගොල්ලොන්ගෙ බල්ල ජැක් එක්ක අස්ස කරත්තෙක ආවෙ... බටහිරට යන්න... ලෝරාගෙ තැනිතලාවෙ කුඩා නිවසෙ වගෙම, ඩි ස්මෙට් නගරයේ නිවසෙත් මම ලෝර එක්ක ජීවත් වුණා... රතු ඉන්දියානුවො ලෝරගෙ කුඩා නිවසට එද්දි, ලෝරලාගෙ ඉරිඟු පාන් ඔක්කොම බලහත්කාරෙන් වගෙ කාල යද්දි මාත් පැත්තකින් උන්න... ජැක් ඒ ගොල්ලොන්ට ගොරවද්දි සතුටු හිතුනත්, ලෝරට වගෙම මටත් කරන්න කිසිම දෙයක් තිබුනෙ නෑ...
සීතලෙන් සීත වුණු සීත සමයෙ හිම කුණාටුවෙ මැද්දෙ සීතලෙන් ගැහි ගැහි මම තැනිතලාවෙ ඉඳන් ලෝරගෙ ගෙදර දිහා බලන් හිටියා... ලෝරා අකමැත්තෙන් අකුරු ඉගෙනගනිද්දි, ලෝරා ටීච කෙනෙක් වෙලා යද්දි ලෝර එක්ක ගියත්, මිහිරැති වසන්ත සමයෙ ලෝරා විවාහ වෙලා යද්දි මම නැවතුණා...

----------------

අවලස්සන ඇමරිකානුවගෙ ලස්සන හදවත, මාව පුදුම කළා... සර්කානුවෙක් එක්ක තමන් නිෂ්පාදනය කළ යන්ත්‍රයෙ ලාබය වංචාවක් නැතිවම බෙදා ගනිද්දි මට සතුටු හිතුන... හැබෑවටම අනිත් මිනිස්සු වෙනුවෙන් කැපවෙන සැබෑ මිනිස්සු වගෙම, දූෂණය වංචාව ජීවන මාර්ගය  කරගත්තු මිනිස්සු ලෝකෙ හැම රටේමත්, හැම මොහොතකමත් ජීවත් වෙනව දැක්ක...

-----------------

ඇයි ධනුෂ්කගෙයි දේවින්දිගෙයි ජීවිතේට එබිල බල බල සූරියතැන්න වලව්වෙ ගතකළ දවස් ටික... ඒකත්  මගෙ නිවාඩුවෙ දවස්ම තමයි... අන්තිමට දන්නෙම නැතිව මේ ගොල්ලොත් එක්ක මම මුළු නිවාඩු කාලෙම ගත කරල තිබුණ... ඔන්න ඔහොම මුළු නිවාඩුවම ඉවර වුණා...

21 comments:

  1. නිවාඩුවක් හම්බවුණාම පොතක් පතක් කිවගෙන ඉන්න එක කොච්චර හොඳ ද?
    ලෝරා ඉන්ගල්ස් වයිල්ඩර්ගෙ ලිට්ල් හවුස් කතාව, ගංගා නිරෝෂණී සුදුවැලිකන්ද සිංහලට පරිවර්තනය කරල තියනව. මතක හැටියට පොත් හයක්. මමත් හරි ආශාවෙන් කියෙව්ව. හරිම සුන්දර කතාවක්.

    ReplyDelete
    Replies
    1. සිංහල පරිවර්තනය ලැබිච්ච සින්හලෙනුත් නැති ඒව ඉංග්‍රීසියෙනුත් තමයි කියෙව්වෙ, මෙ ඔක්කොම.... මම දන්න තරමට පොත් 6 ටත් වැඩියි...
      First Four years එහෙම එකතු වුණාම....ඒත් මම කියෙව්වෙත් 6 යි...

      Delete
    2. ඔක්කොම පොත් 8ක් තියනවා. එකෙන් මිදිඔය අසබඩ කියන පොත හොයාගන්න ටිකක් අමාරුයි.
      1. වන අරණක කුඩා නිවස
      2. තැනිතලාවේ පිහිටි කුඩා නිවස
      3. මිදී ඔය අසබඩ
      4. රිදී විල් තෙර
      5. සීතලෙන් සිත වුනු සීත සමය
      6. තැනිතලාවේ පිහිටි කුඩා නගරය
      7. මේ මිහිරැති සොඳුරු සමය
      8. පළමු සිවු වසර

      මේ කතා පෙළ මට නම් නිකන්ම කතන්දරයක් නෙමේ.
      I want to live in that. I am trying to live in Laura Ingalls family's way of living. Simple amazing lives.

      Delete
  2. හරිම ලස්සන නිවාඩුවක්

    ReplyDelete
  3. පෙරළූ නැවුම් පස! කියවපු හොඳම නවකතාවක්!

    ReplyDelete
    Replies
    1. බොහොමයක් රුසියන් පොත්වලට ආවේණික රසය ඒකටත් තියේ... ඒ වගෙම දිග....ඒත් මාත් ආසයි...

      Delete
  4. මදෑ ඉතින් ඔය කියෙව්ව

    දැන් ඉතින් කියෙව්ව ඒවායින් වැඩ පෙන්නමු

    ReplyDelete
  5. පොත් වලින් ඇත් වුන එක ගැන දුකයි !

    ReplyDelete
    Replies
    1. ඉඩක් තියෙන වෙලාවක දැනුත් පොතක් කියවන්න පුළුවන් නෙ ඉතින්...

      Delete
  6. @ hare :-)

    පෙරළූ නැවුම් පස! කියන්නේ රුසියාවේ බොහොම ග්‍රාම්‍ය නවකතාවක්. ඒක කියවපු හොඳම නවකතාවක් කියනවනම් ඒ ගැන මට දුකයි.

    අම්මා, වානේ පන්නරය ලැබූ හැටි, අපේ කාලයේ වීරයෙක්, ගුරු ගීතය, පියවරු සහ පුත්තු වගේ නවකතා කියවන්න.

    ReplyDelete
    Replies
    1. ඇයි ඔබට "දුක" හිතෙන්නේ?

      කෙනෙක් පොතක් කියවනකොට ඒක ලියැවුණ වටපිටාව අපේ කරගෙනද අපි පොතක් කියවන්න ඕනේ? මට පැහැදිලි නෑ
      ඔවුනගේ තක්සේරුව අපේ තක්සේරුවට වඩා හාත්පසින්ම වෙනස් විය හැකියි නේද?
      කොටින්ම ගාන්ධි තුමා ගැන භගත් සිං අනුගාමිකයන්ගේ කියැවීම මොනතරම් වෙනස්ද?

      කියැවීමට අනුබලයක් සපයනව මිසක "ඔබට වඩා මා ඇසූ පිරූ ඇත්තෙකැයි" කීම මා නම් අනුදත් ක්‍රමයක් නෙමේ

      ඔබ කියූ පොත් සියල්ලම මමද කියවා ඇත - මට හිතෙන්නේද හරේ කියූ ලෙසමය - මා ගැනත් ඔබට දුක හිතේද මන්ද

      Delete
    2. ඔබ කියන පෙරළූ නැවුම් පස ග්‍රාම්‍ය නවකතාවට ලෙනින් ත්‍යාගය පවා හිමි වෙලා තියෙනවා

      Delete
    3. මම හිතන්නෙ තිස්ස අය්ය කියන්න ඕනෙ හැම දෙයකම කියල තියෙනව...

      Delete
    4. ඔයා පොත් කියවන්නෙ මොනවටද කියල මම දන්නෙ නෑ... මම නම් කියවන්නෙ වෙනස් විධියෙ විඳීමක් ලබන්න. පෙරළූ නැවුම් පස විඳීම් ගණනාවක් ඇතුලෙ මාව අතරමං කරවන පොතක්. මටනම් ඒක දෙවෙනි වෙන්නෙ සියක් වසක හුදකලාවට විතරයි.

      සමහර විට ඊට වඩා හොඳ පොත් තියෙන්න පුළුවන්. ඒව මම කියවල නැතුවත් ඇති. ඒක ඔයාට මං ගැන කණගාටු වෙන්න හේතුවක් කරගන්න එපා... :-)

      Delete
    5. මන් නම් රුසියන් පොත් සේරටම ආසයි . ළමා පොතුත් එක්කම

      Delete
  7. පෙරළු නැවුම් පස....ඒ දවස්වල නිදිමරාගෙන කියවපු පොතක්...

    තැනිතලාවේ පුංචි නිවස....මොන එකක්ද මන්දා මට ආස හිතුනෙ නෑ ඒ පරිවර්තන ශෛලියට..:( :( ..ඒ නිසා ඒ පොත් මාලාව කියවන එක අත ඇරල දැම්මා...මුල් පොත හොයාගෙන කියවන්න හිතාගෙන හිටියට තාම හම්බ උනේ නෑ.

    අවලස්සණ අමරිකානුවා....The Ugly American....ඒ දවස්වල , මම මේ කියන්නෙ අවුරුදු තිස් පහකට විතර එහා කාලයක් ගැන....මාර්ග ආයතනයකියල තිබුන සමාජ ආර්ථික පර්යේෂණ කටයුතු වල නිරත්වුනු ස්වේච්ඡා සංවිධානයක්...තිබුන කිව්වට ඇත්තටම තාමත් තියනව....ඒ දවස් වල මාර්ග ආයතනයෙන් කරපු ඉතාම ඵලදායක සහ අනර්ඝ ව්‍යාපෘතියක් තමයි විදේශීය භාෂාවලින් පළවුනු වැදගත් පොත් සිංහලට පරිවර්තනය කරල ප්‍රකාශයට පත් කිරීම....තවමත් ඒ වැඩේ එයාල කරගෙන යනව...

    පාන් සහ වයින්...ජීවයේ සම්භවය...අවලස්සණ අමරිකානුවා...තවමත් ඒ කියවාපු පොත් සම්භාරයෙන් මගෙ හිතේ රැඳිල තියෙන කීපයක්...

    අවලස්සණ අමරිකානුවා....මම කැමතිම සිද්ධිය සර්කානයෙ ( වියට්නාමය වෙනුවට රචකයින් නිර්මාණය කල මනඃකල්පිත දේශය ) කොන්ද කුදු වුණු මහළු ස්ත්‍රීන්ගෙ කුදේ දිගහරින්ට ඔහු නිර්මාණය කරන අලුත් ඉලපත හෝ ඉදල ගැන සඳහන් පුවත...

    ධනුෂ්කගෙයි දේවින්දිගෙයි පළහිලව්ව මොකක්ද චේජනා නඟේ?...හෙහ්,හෙහ්, ඒ ගැනනම් නොදනිමි...:) :)

    ReplyDelete
    Replies
    1. චන්දි කොඩිකාරගෙ "රන්දෝලි", සැහැල්ලු ලස්සන ආදර කතාවක්...

      Delete
  8. ඉස්පාසුවේ පොත් කියවන්න ඉඩක් ඇත්නම්... කියලා හිතුනා.

    ReplyDelete
  9. මේ කතාවලින් මම ආසම පොත් ටික ලෝරා ගෙ. කොච්චර කියෙව්වත් ආයෙත් කියවන්න ආසයි. මගෙ මල්ලිගෙ බිරිඳ මේ වගේ ගොවිපලක උපන් කෙනෙක්. ඇගෙත් ජීවිතේ මේ හා සමානයි. ඇගේ මී ආත්තම්මා දැනට මාස ගානකට කලින් මියගියා.වයස 102යි . ඇමෙරිකාවේ ගම්බද ජීවිතේ අපූර්වත්වය මිසූරියේ ජීවත්වෙන ඔවුන්ගේ පවුලෙන් මම දැක්කා. අපේ වගේ පවුල් ජීවිත වල වටිනාකම ඔවුන් ලඟ තියෙන බව මම දැක්කෙ මගෙ නෑනාගෙන්. කොහොම උනත් පොතක් ලැබුන වෙලාවට කියවන එක තරම් සහනයක් කොහෙන්ද නංගී.

    ReplyDelete

මිහිරි මතක අරන් යන්න...ඔබෙ සටහන තබායන්න...

මෙහෙයවන සෙනෙහස...

අද මගේ හිතේ තියෙන්නෙ අමුතුම මාතෘකාවක කතා කරන්න. මා අවට සිදුවුනු යම්කිසි සිදුවීම් සමුදායක් අවබෝධ කරගත නොහැකි තැන ඒ සඳහා යම්කිසි තොරතුරක් ...