Wednesday, March 10, 2010

මගේ ගුරුතුමාට, ආදරෙන්.. "TO SIR, WITH LOVE"



මගේ එක් පෞද්ගලික ප්‍රශ්නයකදි මගේ ගුරුතුමෙක් ප්‍රශ්නය දිහා මගේ පැත්තෙන් බලල අනිත් බොහෝ දෙනෙක් මා වෙනුවෙන් ඔහුගෙන් බලාපොරොත්තු වූ තීන්දුව ලබා නොදී මාව තේරුම් ගත්ත.. ඉන් මගේ හදවත තුළ ඔහු වෙනුවෙන් ගොඩනැගී තිබුනු බලවත් ගෞරවයත් ඔහු ‍රැක ගත්තා..

ඒත් ඒ සිදුවීම මාව අතීතයට ‍රැගෙන ගියා, ගොඩාක් කලෙකට ඉස්සර මම පුංචි කාලෙ කියවපු "TO SIR, WITH LOVE " කියන පොත ආපහු මගේ මතකයට ගෙන ඒමට ඒ සිදුවීම සමත් වුනා.පොත ලියල තියෙන්නෙ "E. R. Braithwaite" කියන ලේඛකයා, 1959 දි. එංගලන්තයේ පහළ මධ්‍යම පාන්තික තරමක් නොහික්මුනු සුදු දරුවන් පිරිසකට ඉගැන්වීමේ අභියෝගය බාරගත් කළු ජාතික ගුරුවරයෙක් වුනු ඔහුගේ අත්දැකීම අසුරෙන් ලියවුනු සත්‍ය කතාවක්..

ගුරු සිසු සබැඳියාව සියුම්ව ස්පර්ශ කරමින් එහි සංවේදි බව මෙන් ම එකිනෙකාට ගරු කරමින් ඒ බැඳියාව ‍රැක ගන්න අයුරු පිලිබඳ සංවේදී සිදුවීම් පෙළක් තුළින් ඔහු කතාව ඉතාම රසවත් අයුරින් ඉදිරිපත් කරනව.
ගුරුතුමා කළු ජාතිකයකුද දරුවන් සුදු ජාතික ද වීම තුළින් එවක ට එංගලන්තයේ පැවති සුදු කළු භේදය පිළිබඳ අදහසක්ද පාඨකයාට ග්‍රහණය කරගැනීමෙ අවස්ථාව හිමිවෙනව.
නවකතාවේ තේමාව ඔහු ලබාගන්නෙ වසර අවසානයේ දරුවන් ඔහුට දුන් කුඩා සිහිවටනයේ ලියා තිබෙන වැකියකින්..

1967 දී එය චිත්‍රපටයක් බවටත් පත්වෙලා තියෙනව.. එහි අවසානයේ එන හැඟුම්බර දසුන් පෙළක් ‍රැගත් කුඩා කොටසක් මේ සටහනේ අවසානය ලෙස එකතු වෙනව.


සේයා රුව: http://www.amazon.com
(මට මතක නැති සහ නොදන්නා තොරතුරු http://en.wikipedia.org/wiki/To_Sir,_with_Love වෙතින්)

13 comments:

  1. මටනම් හරි හමන් ගුරුවරයෙක් හම්බු වෙලාම නෑතිතරම්... රාජා අල්විස් මහත්මයා හැරුනහම... ළමයින් මූණදෙන සංකීර්ණ ප්‍රස්න තේරෙන ගුරුවරු හැබෑටම කොච්චර අඩුද... "ගුරු තරුව"නාට්‍යය මේකට ලස්සන නිර්වචන දෙනවා...
    (ආයෙමත් සමාව ඉල්ලනවා... ගෙදෙට්ටම ඇවිල්ලම...තව ටිකකින් ඉතිරි දෝස්මුරත් අහන්න ලැබේවි...)

    ReplyDelete
  2. ම්ම්."ගුරු තරුව" මම බලල තියෙනව, ටීවි එකේ. මම ආසයි ඒකෙ "ආ යන්නෙන්" කියන සින්දුවට..
    (දෝස්මුර නම් ගෙදරින් පටන් ගත්තම හද ගී පොතේ පාඨකයො ඔක්කොගෙන්ම වගේ ලැබේවි..)

    ReplyDelete
  3. මට මේක කියෙව්වහම චින්ගීස් අයිතමාතෙව්ගේ ගුරු ගීතය මතක් උනා.

    ReplyDelete
  4. ඒකත් ලස්සන පොතක් තමයි, මට ඒක මතක් වුනෙ නෑ නෙ..ඔයා මතක් කරන තුරුම..

    ReplyDelete
  5. thanks for coming දිlee, මාත් ගුරුගීතය ට ආසයි..

    ReplyDelete
  6. මේකේ සිංහල පරිවර්ථනය ඊයේ තමා බලලා ඉවර උනේ නම නම් හරියටම මතක නැහැ "ආදරනීය ගුරුතුමා" වගේ මතක

    ReplyDelete
  7. " ආදරනීය ගුරුතුමනි" කියල ඒකෙ සිංහල පරිවර්තනය තියෙනව..ඔයා ළංගදිම පොත කියවල නේ. මටත් ආසයි ආයෙ කියවන්න.

    ReplyDelete
  8. Sidney Poitier රගපාන චිත්‍රපටය බලලා තිබුනට මේ පොත ගැන දැනගෙ හිටියේ නෑ. සාමාන්‍යයෙන් පොත ඉස්සර වෙලා කියවන එකයි මගේ පුරැද්ද. ඒත් දැන්නම් පොත කියවන්න වෙන්නේ පස්සේ. ගොඩක් ස්තුතියි දැනුම ලබා දුන්නට.

    ReplyDelete
  9. පොත ඉස්සර වෙලා කියවද්දි අපිට ඕන හැටියට ඒ චරිත හිතින් මවා ගන්න පුළුවන්. ඒ නිසා පොත ඉස්සෙල්ල කියවන එක හොඳයි තමයි..
    දැන් ඉතින් පොත කියවල බලන්නකො..

    ReplyDelete
  10. මේකේ සිංහල පොත "ගුරු තරුව ඔබයි" කියලා මට මෑතකදී කියවන්න හම්බුණා. මම හිතන්නේ සෑම ගුරුවරයෙක්ම මේ පොත කියවිය යුතුයි කියලා..............

    ReplyDelete
  11. "TO SIR, WITH LOVE "චිත්‍ර පටය ලගකදී බැලුවා නංගී. හරිම ආසාවෙන් බැලුවෙ. අපේ ගුරුවරුත් අපි උදෙසා මොනතරම් කැප කිරීම් කලාද කියල හිතුන. මම පාසැල් යන කාලේ මාස ගනනක් පිට රට ඉන්නව අම්මල ලග ඊළගට මෙහේ ආවම අනුලාවෙ මට උගන්නපු ගුරුවරියො පුදුම වෙහෙසක් ගත්ත මාව A/L වලින් ගොඩ දාන්න. අනේ ඒව ගැන මතක් වෙනකොටත් දුකයි. මම ආයෙත් ලංකාවට ආවම ගොඩ දෙනෙක් ඉන්න තැනක් වත් දන්නේ නැහැ. මම ඔයාගෙ හැම ලිපියක්ම ආසාවෙන් කියවනවා. ලගකදී තමයි මේ වැඩේට සම්බන්ධ උනේ. ගල්මල් බ්ලොග් එක ලියන ඩීන් මල්ලී තමයි මට ගොඩක් උදව් කලේ.

    ReplyDelete
  12. මේ සටහන් ලියවුණේ මම අර කියල තියන සිදුවීම නිසා...
    ඔයා ළඟකදි ඉඳල නිතර එනව මම දැකල තියනව අක්කෙ, ඒ වගෙම මම ඔයාගෙ බ්ලොග් එකට ගිහින් බලලත් තියනව...ටිකක් නිදහසේ එන්නම්කො මම ආයෙ කමෙන්ට් කරල යන්නත් එක්ක...

    ReplyDelete

මිහිරි මතක අරන් යන්න...ඔබෙ සටහන තබායන්න...